Shillong 8 Jymmang: Ki poiwir ki ba sah beaiñ ha Lum survey hajan ka Fire and Emergency Service ki la khang tala ia ki iingsah jongki naduh dangstep mar shu ioh ka jingtip ba kin sa wan ki bor pyniaid District ka East Khasi Hills, Shillong Municipal Board, Shillong Cantonment Board, lem bad ka seng Hynniewtrep Youth Council ban jurip ia kane ka ja ka.
Ha kane ka jingwan jurip kaba la long mynta ka sngi balang ka 8 tarik u jymmang 2024,la sakhi ba kar shiteng ki iing jong ki poiwir ba sah beaiñ ha Lum survey ki la khang tala.
Kum ban shu kdew hangne ba ka jingwan jurip mynta ka sngi kadei hadien ka jingdawa ka seng HYC ka ba la sei madan ia ka jingdon ki poi wir ba sah beaiñ ha kane ka ja ka khlem ithuh ithaw shuh, myn ha ka 25 tarik u iaiong 2024.
Hadien shi sngi ka jinglap jong ka HYC nakaliang ki ophisar bad ki nongtrei ka tnad Meghalaya energy corporation limited MEeCL ki la wan ban jurip ban peit khnang ban lap la ka jingring bording ilektrik ka long ne em ka ba beaiñ hynrei la lap ba ki la ot lypa ia kitei ki bording ilektrik.
Phi don ban ong eiei?