Pulom ka jingthmu rahbor ia u nongkhaii

Shillong, 09 Naiwieng:
Ki pulit ka Megha laya bad ka Assam hynne ka step ki la ioh ban pynpulom ia ka jingthmu rahbor jong u runar ia u nongkhaii ha  North Garo Hills. Katkum ka jing iathuh ki pulit, mynta ka step, ki pulit jong kine ki jylla ki la pynlong ia ka jingpynap shrip hadien ba la ioh jingtip ia ka jingthmu rahbor ia u nongkhaii da ki kynhun runar bad kane ka la seisoh ha kaba ki la ioh ban kem syndon ia u Lokman Hussain,32 snem na Paharsingpara ka Goalpara.
Ki pulit ki laong ba une uba shah kem u dang thmu ban rahbor ia uwei u nongkhaii na Assam  u Sohar Ali, 50 snem na Goalpara, Assam da kaba pynbiej ia u ban thie ki dieng bad la pynbuh sngi ba un wan thied hynne ka sngi.  Une u runar u la khot ruh ia kiwei ki paralok jongu ban rahbor ia une u nongkhaii ba un sa ai pisa T. 50,000/ ia ki. Hynrei shwa ba kin leh ia kane, ki la pulit kiba la ioh jingtip ki la pynap shrip bad kem syndon ia u na jaka ba iakut bad utei u nongkhaii bad hadien ba la phla une u runar, ki pulit ki la kem na iew Nogolpara hajan Dainadubi ia u Sandio G Marak 26 snem na shnong Riangdim ka west Khasi Hills district.Nalor une la ioh ban pynlait im ia u Md. Abdul Hamid 30 snem na shnong  Paharsingpara, Goalpara, Assam bad u Md. Sohor Ali 50 snem na Srisurjori, Goalpara, Assam.