Ka jingpynhap pyrda ia ka T20 1st Maitshaphrang Khasi knockout cricket tournament.

Shillong 4 Jymmang: Ka jingpynhap pyrda ia ka T20 1st Maitshaphrang Khasi knockout cricket tournament ba la pyniaid da ka Khadi Student Union (KSU) Rangshken Uni hapdeng ka Shaphrang CC (Mawphlang) pyrshah ia ka Rangshken Area CC ka ba la long mynta ka sngi saitjain  ka 4 tarik jymmang 2024,ba la pynlong ha madan kseh Bilat.

Ka jingialeh kai hapeng madan ka long ka ba itynnad ha ka ba ka Rangshken CC ka la ioh ia ka nam jop, da ka ba pynliem ia ka shaphrang cc (mawphlang).

Ka Rangshken ka la ioh ban tied nyngkong bad ka ba la buh target 130 run bad ka shaphrang CC ka la ioh ban scores tang 72. Ha kane ka jingialeh kai ia ka man of the match bad ia ka most wicket taker la ioh ban rah da u Sarjones kharphuli na ka Rangshken Cc bad ia ka best catch taker la ioh ban rah da u Gary Dkhar na ka shiparlok Dkhar..

Hakane ka T20 1st Maitshaphrang Khasi knockout cricket tournament ka Rangshken Area cc ka la ioh ban rah ia ka namjop ha ryngkat  bad ka song pisa ba 10,000 lem bad ka trophy bad ka Shaphrang cc ka la ioh rah ia ka song pisa ka ba 5,000 tyngka rangkat ka trophy.

Ha kane ka sngi la iadonryngkat da u pynshai Rani information and publicity secretary KSU seng kmie kum u kongsan bad u samla Nathanial Rymmai kum u symbud kongsan ha ryngkat ki nongialam ka KSU Rangshken Unit samla u Nestarjune Marbaniang u ba dei u general secretary KSU Rangshken unit, u bah Marchkular Thanah president KSU Sohiong Circle bad ha ryngkat ki rangbah shnong, secretary shnong jong ka shnong Rangshken bad kiwei kiwei de.