Shah wiang ding ka kali jong ka tnat Fishery, ha Cleve Colony

Shillong: Kawei ka kali kaba don ia u number ML 01 A 0175 ka la shah wiang ding ha ki runar bym lah ban ithuh ha ka por kumba 9 duna eiei.

La ioh jingtip ba kane ka kali ka dei jong ka tnat Fisheries kaba pynieng ha surok hakhmat jong katei ka ophis kaba don ha Cleve Colony, Shillong.

Katkum ka jingtip ba la ioh la iathuh ba ki don ar ngut ki briew kiba wan da ka scooty bad kawang da u petrol bomb ia katei ka kali, kaba la ing bad julor jur bha. Ha katei ka por ba katei ka kali ka shah wiang ding u nongñiah um don satia ha katei ka kali bad kam shym la don satia ka jingmynsaw ia ki briew lait noh tang ka jingjulor ka kali.

Hadien ba ioh jingtip ia kane ka jingjia ki pulit pynlip ding bad ki magistrate ki la poi sha katei ka jaka ban tem ia ka ding bad ban tohkit.