Shillong: Ka jingjyllei bad jingbun ki nongdih drok ha kine ki sngi ba mynta ka ba la sherkhei haduh katta katta wat ha kapor mynshai mynsngi ruh kim salia shuh, ban leh ia kum kane ka kam ka ban pynjot ia ka imlang ka sahlang bad khamtam ka jingshah lute ia ki briew ki ba iaid ha iew ha hat.
Kumta na ka liang Ka seng Hynniewtrep Youth Council (HYC) sengkmie ha ka jingialam khmat u bah Gee Mawlong u ba dei u vice President,mynta ka sngi palei ka 2 tarik u jymmang 2024, ka la leit ban khynra hi ia ki nongdih drok ha nongbah shillong kiba kynthup ha motphran, khliehiew, them iewmawlong bad ha Anjali.
Ka jingleit khynra ka seng kadei hadien ba ka la ioh ka jingujor na kapor sha kapor halor ka jingjyllei u drok bad ki ba bun ki briew ki ba ju pynlong jaka dieh drok ha kitei ki jaka kyndong.
Ha kane ka jingleit khynra ka seng ka la lap bad ioh bat haduh 7 ngut ki briew nalor ki thyrnia ba ju pyndonkam ban dung ha ki kti, bad la don ruh ki ba la lait phet noh.
Ha ka jingiakren bad ki lad pathai khubor u bah Gee Mawlong u la ong, ba ka seng ka la lap hi pyllein pyllein da la ki jong ki khmat ba ki don shisha ki briew ki ba pyndonkam ia une u nar dung ha ki kti lane u Drok.
U bah Gee Mawlong u la ong ruh, ba ka jingjyllei bad bun ki briew ki ba ju dieh drok kadei namar ka jingbym shimkhia ki bor sorkar ban phah khynra bad ban kem ia kitei ki briew.
Ka seng ka la sakhi ruh halor ka jingphla jong kitei ki briew ba la shah bat, da ka ba ki ong, ba ki ba ju die ia kum kine ki jait jingdieh kidei na Ajmera, Lumsurvay, na Mawprem bad na Jhalupara.
“Kane kalong shisha ka ba buh jingma khamtam wat ia ki ba iaid ba ieng ruh, namar ba wat ha kapor mynsngi mynshai, ki jaka ba ju bret ñiut khamtam ha Motphran,ba kine ki briew ki ju wan ban bret ia ki nar inject”, la bynrap u bah Gee.
Ka seng ka la maham tyngeh ia kine ki briew ba lada kin lap biang sa shisien kin pynshitom da ka ba tyngeh .
u bah Gee u la iathuh, ba Kine ki briew ki ba la shah bat ha ka seng, bun kidei ki bar jylla .
Na ka jing jyrduh kam poi sha ka im sngi tang ka shang ma Kia haduh ban da poi u ne u pud..hato ngin buh jing kylli na ei ha ba kumne?