Kem ki pulit sa ia u wei u dkhot ka KSU, sha sadar Police Station la rah ban tohkit

Shillong 27 Ïaiong: Ki pulit  ka East Khasi Hills District mynta ka janmiet jong ka sngi saitjain ki la kem biang sa ia u wei u dkhot ka seng KSU.

Ki pulit ki la kem ia une u samla ka seng ha kapor kumba 3 baje eiei bad ki la rah noh sha Sadar Police Station ban leh ka jingtohkit ha ryngkat ka jingwan synranlang ki dkhot ka seng ha khyrdop ka sadar.

U tei u samla  u ba la shah kem u dei u dkhot jong ka CEC bad hadien ba la kem ia u, ki pulit ki la rah noh sha sadar Police station.

Kat haduh ban thoh ia kane la khubor ym pat tip, ba halor kaei ka nongrim ba ki la kem ia utei u dkhot ka seng KSU namar ki bor pulit ki la khang noh ia ka khyrdop sadar Police station .

Kum ban shu kdew hangne ba ka jingshah kem ia ki dkhot ka KSU ka la kiew sha ka 5 ngut.