Pynshna iing ka KSU bad ka Synjuk ki nongtrei misteri ia ka iing ha Umnget

Nongpoh:Ki nongialam ka KSU Ri Bhoi, ha ryngkat ka jingiatreilang bad ka Synjuk Ki Nongtrei Misteri Umsaw Nongkharai Circle, mynhynnin ka sngi ki la leit ban mih shakhmat, na bynta ban leit iarap pynshna ia kawei ka ing kaba don ha ka shnong Umnget ha Ri Bhoi.

Katei ka jingleit ïarap ka KSU lem bad kitei katei ka Synjuk ki Nongtrei Mistri, ka dei hadien ba ki la lap bad ïohi ba katei ka longiing ka don hapdeng ka jingeh ka jingkyrduh kaba la lyngshop ia ki, kaba la pynlong ia ka seng KSU ba kan leit jurip bad ha ka jingiatrei lang bad Ka Synjuk Ki Nongtrei Mistri Umsawnongkharai Circle, la lah syndon ban leit ïarap pynshna ia katei ka longiing.

Haba leit ban ïarap pynshna ia katei ka iing, la ialam da u Tony Shylla, Adviser bad u Abithues Taro u Secretary jong ka Synjuk ki Nongtrei Mistri, kiba la leit bad ki dkhot ka Synjuk ha ryngkat ki nongialam bad dkhot ka KSU ia kaba la ialam da u samla John Lyngdoh, President ka Nongpoh Circle kiba la leit bad ki dkhot ka seng, na bynta ban leit ïarap pynshna ia katei ka iing ha shnong Umnget.