Hadien ba Ka Hyniewtrep youth Council ( HYC )sengkmie ka la wan jurip hynnin ka sngi palei ia ka ja ka shong beain ki bar jylla ha markhap bad ka them motor, mynta ka sngi thohdieng nakaliang ka Investigation and Enforcement sudivision Shillong Circle jong ka tnad MeeCL ka la wan ban ot ia ki bording ba la ringtuh da ki bar jylla kiba shong beaiñ ha katei ka jaka.
Ka jingwan ot ka MeeCL ia ki bording ha katei ka jaka kadei hadien ba la mih ha ki lad pathai khubor ba ki don ki longiing ki ba tuh bording ka ba don markhap bad ka them motor.
Mar ia rung hapoh katei ka jaka la lap shisha ba ki shu tuh ia ki bording. Ia katei ka kynhun la ialam da u Executive Engineer u bah Iupher Pasah, u ba la ong ruh, ba ki metre rider kim ju rung hapoh kane ka jaka bad kaba la duba jur ba kadon ka jingtuh bording ka ba sherkhei.
U la kdew ruh ba na ka building Ajmera ka ba don ia ka jingai bording tuh sha kawei na kine ki lingiing bad kane kam iahap bad la hap ban ot.
Ha kane ka sngi la iadonlang ki nongialam ka seng HYC, ka ba la sei madan Ia ka jinglong jingman jong kane ka jaka ka ba i saiymet haduh katta katta.
Ka jingwan jurip ka seng hynnin ka sngi kadei hadien, ba ka la ioh ka jing ujor na ki ba bun ki paidbah kiba iaid ba ieng, ia ka jing don ki briew ki ba ju mlien ban khaii ia u drug ha katei ka jaka tang mar ia Kem dum bad hapoh jong katei ka jaka ba sah neaiñ kitei ki bar jylla la lap pynban ia ka jingisaitmet namar ka jing don ki briew kiba pynlong jaka shong jaka sah ha katei ka jaka, ba wat ka jaka leit painkhana kam don satia bad ruh ha i jaka i barit ki ia shong bun ngut bad ka seng ka lap ruh ia ki bor ding ba ki shu tan tuh .
Phi don ban ong eiei?