Sngewsih ka SNSBH ba mih jingkulmar

Shillong 06 Naiwieng:
Ka Executive Committee jong ka Synjuk Ki Nonsynshar Shnong Ka Bri U Hynniewtrep (SNSBH) ka pynpaw ia ka jingsngewsih bad ka sngew ktah jur halor ka jingmih jong ka jing kulmar kaba la lam shaduh ka jingmynsaw jong kiba lui lui kiba wan da ka mynsiem ban kyrshan ia ka SNSBH hynnin ka sngi.
Ha ka kyrwoh ba la pynlait ka SNSBH ka la pynpaw ia ka jingsngew sih ia ka jingshah ktah jong ki briew ba iaid lynti sha la ki kam ki jam jong ki kiba la shah ktah lang ha katei ka jingjia. “Ka Synjuk ka sngew khia shibun halor katei ka jingjia kaba la pynjah burom ym tang ia ka Synjuk hynrei ia ka Bri U Hynniewtrep baroh kawei. Ngi khmih lynti ba kum kine kiei kiei kin ym jia shuh nangne sha khmat”, la ong u secretary Bah RL Blah.
Ha kawei ka liang ka Synjuk Ki Nongsynshar Shnong Ka Bri U Hynniewtrep ka ai khublei kyrpang ia u paid byllien ka Bri U Hynniewtrep uba la ia mih ban kyrshan ia ka Synjuk naduh ba sdang ki jingiakhih. Sa shisien ngi kwah ban bynrap ba ka Synjuk kan ym lah ban poi shaduh kane ka khep khlem ka jingkyrshan ba radbah jong phi ki para doh para snam ka Ri Khasi Jaintia kiba kloi ban ia tynrong lang ia kane ka jingkit kaba khia na ka bynta ban pynneh pynsah ia ki riti ki dustur ka Bri U Hynniewtrep.