Kut ka Shad Nongkrem ha madan Shad Smit

Shillong, 04 Naiwieng:
Ka shad Nongkrem kaba lah ban ong kaba rim tam napdeng ki Hima, ka la kut mynta ka sngi ha madan Shad Smit ka jaka treikam jong ka Hima Khyrim kaba dei ka jaka sah jongka Syiem Sad.
Ha kane ka kynti, ka DDK ka la pyni live ia kane ka shad Nongkrem ha kaba ki briew ki lah ban peit ruh ha TV.
Ka shad ka la kut hapdeng ka jingphuh jingphieng kaba ju long shisien shi snem ryngkat ka niam ka rukom jong ka Hima Khyrim kaba jngai kumba 20 km na nongbah Shillong.
Ki nongshad kyn thei bad shynrang bad ka riam tynrai ki la wan ban iashimbynta ha kane ka shad kaba kut mynta ka sngihadien san sngi ba la pyndep ia ka niam ka rukom, ka Pomblang Syiem.
La pynlong ia kane ka shad da ka jingpyndep ia ka jingainguh ia u blei nongbuh nongthaw ba un theh sei ia ka bha ka miat bad ka roi ka par, ka rep ka riang.
U Syiem ka Hima Khyrim lem bad ki lyngdoh ki pyndep ia ka niam ka rukom Pom Blang, da kaba ainguh ia u Lei Shyllong.
Ha kane ka shad kumba ju long tang ki kynthei ba dang sotti ki lah ban iashim bynta ha ka jingshad katba ia ki shynrang kam shym don kano kano ka jingbuh kyndon. Ki heh sorkar, ki briew nabar ri ki wan ban peit ia kane ka shad kaba dang neh naduh mynshwa haduh mynta.