Jatah:U MDC barim ka Nongkrem u bah Edar Nongbri ula ong ba u hap ban mih noh na ka seng Voice of the People Party (VPP) namar ba ka rukom pyrkhat bad jinglong sarong jong u President jongka, u bah Ardent M Basaiawmoit, ban ym khein briew ia kiwei pat.
U bah Edar uba la rai ban kyrshan noh ia u kyrtong ki seng riewlum, Regional Democratic Alliance (RDA) u bah Robertjune Kharjahrin, ula ialap elekshon ha ka jingialang ha Jatah ha kane ka sngi Palei.
U bah Edar u la ong ba ha ka por ba u leit ban iasyllok ia u bah Ardent ban iatreilang bad ki seng riewlum bad ki riew rangbah kiba shemphang, u la kyntait mardor, bad hangne u la lap ba u bah Ardent u don ka mynsiem sngew khyllew ba kat ma u, ym don shuh bad dei tang ka party kaba ialam ma u, kaba bit tam.
“Nga dang mut ba ka VPP kaba lung, nga khmih lynti ba u bah Ardent un don kajuh ka mynsiem ban iatreilang bad ki para seng riewlum, nga la leit ban iasyllok hynrei um pdiang bad dei na kane ka nongrim ula mih noh na ka VPP. Ka daw ka jingieh noh jong nga ia ka VPP, namar nga lap ia ka daw jong u bah Ardent u don ka mynsiem sngew khyllew ba kat ma nga ym don shuh, ba ka party dei tang ha ka jingialam jong nga kaba bit tam, haba ai jingmut ban iatreilang bad ki riew rangbah kiba shemphang, hynrei um treh dei halor kane ka nongrim ba nga sa mih noh na ka VPP, ban ai ka jingkyrshan ia ka RDA”, la ong u bah Edar.
U la ong ba ha kine ki sngi la ioh sngew ba lada ka VPP ka ioh ia ka jingjop, kan pynduh noh ia ka district council, hynrei dei ban kynmaw ba lada duh ka district council ka jingsynshar bad ka riti dustur kan jah noh. U bah Edar u la kynthah ruh ba kat u nongialam un shim jait sha lade, un pynkylla ia ka jait kumba la buh u longshwa manshwa, ka long kaba bakla bad kaba shibun.
“Ha kine ki sngi la ioh sngew ba lada ioh ia ka jingjop yn pynduh noh ia ka district council, kynmaw paidbah namar lada duh ka district council ka jingsynshar jong ngi kan jah noh. Kat u nongialam un shim jait sha lade, un pynkylla ia ka jait kumba la buh u longshwa manshwa, kane ka long kaba bakla. U ong ba ia ka VPP la wan buh u Blei, hato ia kiwei kim dei ba buh u Blei. Ula kren khuid ba baroh kiba tuh, kiba pop bad na kane, ngam shaniah ha ka jingialam u bah Ardent bad nga wan phai biang sha ka party riewlum kaba shisha, ka UDP bad HSPDP ha ka RDA”, la ong u bah Eadr bad u la bynrap, “Nga kynmaw ha ka jingialang ha Smit, u Late BB Lyngdoh ula ong wat ju ai wait da u khynnah khyllun, ioh kum pom ialade bad kane ka long kaba im shisha mynta ha kine ki sngi ha ka jingialam jong u bah Ardent”.
Shuh shuh u la ong ba ki la kam ba ia ka VPP la wan buh u Blei, hato ia kiwei kim dei ba buh u Blei. Ula kren khuid ba baroh kiba tuh, kiba pop bad dei na kane, ka pyllong ia u bah Edar ban duh ka jingshaniah ha ka jingialam u bah Ardent bad ula rai ban leit phai biang sha ka party riewlum kaba shisha, ka UDP bad HSPDP ha ka RDA.
U la pynkynmaw ia ka jingkren jong u nongialam ka jaitbynriew u bah BB Lyngdoh (bam kwai ha duwar u Blei) ha ka jingialang ha Smit, uba la ong wat ju ai wait ha u khynnah khyllun, ioh kum pom ialade bad kane ka long kaba im shisha mynta ha kine ki sngi ha ka jingialam jong u bah Ardent.
Haba ong ban ym khih jingmut haba iohi ia ki jingbun briew ha ki jingialang ka VPP, u bah Edar u la ong ba haba peit ha social media, la iohi ia ka jingshlei jong ki paidbah ha ki jingialang ka VPP hynrei u kynmaw ba ha ka por ba u ialeh MDC ha kato ka por, u la jop ia ka elekshon watla um ju don briew ha ka por ba u pyllong ia ka jingialang.
U la ong ba katkum ka histori, dei tang ki MP na seng riewlum kiba la wanrah burom ia ka jaitbynriew kum u Babu Jeebon, u Prof. GG Swells.
u sniang u sngewtynnad ban kyrsum bad ki para sniang bad kane ka pyni une u dang khynnah ka jingmut jingpyrkhat..in iatrei lang bad ka UDP- HSPDP kaba iatrei bad ka BJP-NPP..Une u briew u shu kren lamwir kum ba ioh jingpang prestone.
U briew u ba lah dei ban shongthait kum u nongialam politik u lah dei ban shu ai mynsiem, ym ban dang kwah ialam. Ka don ka por ia kiei kiei baroh.
u LA kwah long chairman ne u thlim
La mih u kiang nangbah ba ar bah arden khla wait ka ri to nang iai im slem khun dap shynrang imei khnang ba ka ri kan sa ioh laitluid biang sa shisien