Hapoh 15 sngi, pan jingtip ka MHRC, halor ka jingiap u nongbylla

Shillong:Ka Meghalaya Human Rights Commission (MHRC) kaba dei ka kynhun ba peit ia ka hok long briew manbriew ha jylla Meghalaya, ka la shim da ka Sou-motu haba iadei bad ka jing shah pyniap jong ki nongbylla sngi balang ha ka 10 tarik ïaiong 2024 ha nongbah Shillong.

Ka Commission ka la phah jingthoh ruh sha u Director General of Police (DGP) jong ka jylla Meghalaya, ba un phah ia ka jingiohlum jingtip haba iadei bad ka jingtohkit ia kane ka jingjia hapoh jong ka 15 sngi.
Ka jingshim jingtohkit jong ka MHRC, ka dei, hadien ba uwei u bar jylla u la khlad noh hadien ba u la shah bom shah tied ha ki briew kiba kah ia ka durkhmat bad phong da ki mask , ha kaba ki la hiar bad thombor kynsan kynsan ia kitei ki bar jylla, katba ki dang don hapdeng ka jingtrei ha kawei ka iing kaba don ha Malai Mawroh Umsohkhlur Block -3, ha ki khyndiat sngi ba ladep.