Kyrshan ka JSU ia ki samla ka Kiang Nangbah

Shillong, 4 Naiwieng:
Ka Jaintia Students’ Union sengkmie haka jing pyllait khubor mynta ka sngi lyngba u Education Secretary Samala Deibha Y Syngkon, u pynpaw iaka jingsngewkhia halor ka jingshah ieh bein ka Kiang Nangbah Govt College Jowai ha ka Tnad pule puthi jong ka Sorkar Jylla, kata naduh ka Building kaba neh kumjuh da ki phew phew snem mynta, ka Hostel naka bynta ki samla pule, ka tulop jong ki nongtrei (Non Teaching Staff) bad kiwei kiwei ki jing duna ki bym la thew shuh kumba la dawa da ka KNGCSU.
Ka Kiang Nangbah Govt. College ka dei tang ma ka ka College Sorkar kaba don ha Ri Lum Jaintia hynrei haba ia nujor iaka jingkiew ki samla pule man la u snem bad ka jinglong jingman jong kane ka College kam ia hap shuh. Na kadaw ba ka College Building ka neh kumjuh man la u snem ki samla pule ki mat iaka jingeh ha kaba ioh rung klass ban bteng shuh shuh iaka jingpule ka jongki haki kyrdan ba kham shalor.
Na ka liang ka JSU ka la kubur ruh ba dang mynta u snem ruh ka la leit ai iaka dorkhas sha u Education Minister Dr. R.C Laloo ha kaba na ka liang jong u ruh ula kular ban ban pynioh iaki Additional Class room naka bynta kane ka College, hynrei haduh mynta kine ki jingdawa bad ki jingdonkam ba kyrkieh hapoh ka College ym pat ioh satia.
Kumta na ka liang ka JSU ka kyrshan pura ia ka KNGCSU halor kine ki jingdawa ki jongka  kiba shong nongrim bad kaba donkam eh haduh katta katta. ka JSU kala krenshai ruh ba ka long kaba la kloi ban kyrshan Pura iaka Seng ki Samla pule kane ka College (KNGCSU) la ka long ha kano kano ka dur ne ki lad jingiakhih namar kane ka dei naka bynta ka jingmyntoi jongki Sala pule kane ka College bad iaka thain Ri Lum Jaintia baroh kawei. kumta na ka liang ka Sorkar ka dei beit ban pynioh noh kloi ia kine ki jingdawa jongka KNGCSU ban lait na kino kino ki kynrum kynram.