Dawa tohkit CBI ia ki nar um ha Jaintia

Shillong, 4 Naiwieng:
Ka Jaintia National Council (EJNC&WJNC) hadien ka jinglap jong ka Seng ia ka jing shah pyndonkam bakla bad ka jing ia die ia thied pathar ia ki GI PIPE hapoh Rilum Jaintia kiba don iaka muhor jong ka PHE.GOM daki riew Shimet,ki kontraktor ki jaka Sait Kali, ka la kyntu ia ki bor bahalor ka PHE ba kin phah tohkit da ka CBI.
Katei ka seng ka la ong ba ki GI Pipe kidei tang naka bynta ka Jing donkamjong ki Paidbah ki Shnong ki thaw bad ymlah hi ruh ban iadie ia thied ia kine ki nar um. Hynrei kaba pynlyngngoh iaka seng ka long mynta ki por ki GI PIPE kiba don ia ka Muhor jong ka PHE.GOM ki long kiwei na ki Pipe kiba iaid iew bha ha kaba lah ban shem ia kum kine ki jait Pipe ha ki Ing briew,Jaka Sait kali,ki Surok ByePasbad haka kylleng sawdong ka Rilum Jaintia, kaba i phylla ban iohi ka long ba naduh ba shah pyndonkam bakla bad ia die ia thied pathar iaki GI PIPE ka PHE,  bun bah ki jingtei jong ka tnad PHE kila sahteng kiba dei naka bynta ban sam umbam umdih iaki shnong ki thaw bapher bapher jong baroh  ar tylli ki Districts ka Rilum Jaintia.
Halor kane kajuh hi ka mat kum ka jingpynshai paidbah ba naka liang ka EJNC-Central Council haka 7 tarik u risaw kala dep  phah jingthoh  sha u Prof. RC Laloo Myntri ka tnad PHE ban kyrpad iaka por jong u ban ia kynduh bad ki dkhot ka seng ryngkat ka Dorkhas ban aiti sha une u Myntri. Ha ka 15tarik, u risaw ki nongialam jong ka EJNC kila leit hiar sha Secretariat,Shillong ban kylli halor ka tei ka jingthoh ba ka seng ka la aiti bad ha ka jing iakren bad ki Personal Secretary (PS) jong u tei u Myntri kila iathuh ba u Dr. Laloo u don shabar ka jylla bad kin sa pyntip shaki nongialam ka seng ia ka Tarik kynduh ynda kila ioh ktien na u. Hynrei haduh kane ka Tarik ba pyllait ia kane ka Khubor naka liang ki PS jong u Bah RC Laloo kim pat ai ktien eiei ruh em ia ki nongialam ka EJNC. Katei ka seng ka kyntu ia u Myntri ba dei Khmih iaka tnad PHE ba un pyllait iaka por kaba kordor jong u ban ia kynduh bad ki dkhot ka seng ban iamir jingmut halor kitei ki Mat bala kdew haneng.