Shillong 02 Iaiong: Ki pulit ka Sohra Police Station mynta ka sngi balang ka 3 tarik u iaiong 2024,ka la pynlong ia ka jingsyrtap kaba khlain bha ha baroh ka tei ka jaka.
Ka jingsyrtap ki bor pulit kadei hal or ka jingthmu jong ka seng KSU ban wan tur bad ban ialhih pyrshah ia ki pulit kiba la kem ia 2 ngut ki dkhot ka seng bad kynnoh ba kidei kiba la donkti ban pyniap ia 2 ngut ki bar jylla ha Ichamati.
Ym tang ba ki bor pulit ki la pynkhlain ia ki bor pahara hynrei la iohi ruh ba ki la pynkhren da kaba thep da ki bomb pynsat khmat hajrong ka kali ki pulit SOT.
Ki bor pulit ki la pynkhreh ruh ia ka kali pynlip ding ka ban iada ia ka jingmynsaw ha kane ka jaka.
Watla nakaliang ka seng KSU kam shem la pat wan ban tur hynrei Ki bor pulit ki la pynkhlain ia ki bor pahara, kiba kynthup ia ki CRPF, ki SOT bad ki Meghalaya Pulit.
Ka jingiakhih ka seng KSU kadei ruh halor,ban pan ka sabut na ki pulit bad ban pynshisha bad pyntikna ba kine ki 2 ngut kiba la shah kem ba kidei kiba pyniap ia 2 ngut ki bar jylla.
Phi don ban ong eiei?