U bah Ardent, tang ar snem duna, u ieh ia ka kam President, ong u heh HSPDP

Shillong:U nongialam ka HSPDP u bah Panbor Ryntathiang u la ong ba u President barim ka HSPDP u bah Ardent M Basaiawmoit, ym pat lah ban kit ia ka jingkit ka HSPDP bad na kane ka daw, u phet noh bad thaw ia ka party thymmai.

Haba ialap elekshon ia u kyrtong ka RDA u bah Robertjune Kharjahrin ha Tyrsad mynta ka sngi, u bah Panbor u la ong, “Hadien ba la khlad u bah HS Lyngdoh, la shimti u bah Ardent M Basaiawmoit kum u President hynrei tang ar snem duna, u la iehnoh ia ka kam President”.
U la bynrap, “Tang ar snem um shym la lah ban kit ia ka jingkhia ba la bynshet, um don ka jinglong ba iai neh, ka jingiai shah, ka jingieid kumba long bah Hoping”.

Haba maham ba ka jingpyndonkam ia ka ktien ka sur u paidbah da ki nongialam ka seng Voice of the Peopla Party (VPP), ka long kaba ma tang na bynta ka jingmyntoi ki nongialam, ban pyllong langknia ia ki paidbah.
“Ka sur ki nongialam ban pynsngewthuh bakla ia u paidbah ban ioh ia ka bor, ka dei kaba ma. Katno tylli ki jingialang ba phi iashong ban iakren, ki paidbah wat sngewthuh bakla”, la ong u bah Panbor.