Shillong 02 Ïaiong: Ki 2 ngut ki dkhot ka seng KSU ki ba la shah kem kiba kynthup ia u Samla Shanborlang Shati u ba la don 26 snem ka karta uba na shong Wah utip bad u samla Medasapbor Khembil na Saitsohpen , kuba la shah rah ha ki bor pulit ha ka mier jong ka 2 tarik u iaiong 2024, ban tohkit halor ka jingsuha ba ki don kti ba pyniap ia ki bar jylla ha Ichamati.
Kane ka jingjia shah pyniap ki 2 ngut ki bar jylla ha ki thain Ichamati kadei ka ba la jia ha ka 27 tarik jong u bnai lber.
Hadien ki pulit ki la rah noh ia kine ki 2 ngut ki samla sha Sadar Police Station, Shillong mynta hi ka step bad ki pulit ki la rah sa sha District Court ban tian jingbishar iaki.
Nakaliang ka iingkashari ka la aipor ia ki bor pulit ban tohkit 7 sngi ia kine ki 2 ngut ki dkhot ka seng KSU.
Phi don ban ong eiei?