Shillong: Ki Khynnah ialehkai (Sambo) ka jylla, hapoh ka Lama jong ka Sambo Association of Meghalaya,Ki lah mih ban wanphai noh sha la iing na Haryana’ hadien ba ki lah ioh ban khur haduh 7tylli ki takma ba kynthup 3tylli ki Takma ksiar Bala khur da u Amaziah Syiemlieh, Dame Hector Marboh, Samuel Mukherjee, 3tylli takma Rupa lah ioh khur da i Iaphilabet Rani, Hriday Tamang bad u Mewanshan Kharsyiemiong, kumjuh 1 takma Runong ba la ioh da u Nangkitboklang Diengdoh, naka lympung 14th National Sambo Championship 2024 kaba la pynhap pyrda noh hynnin ka sngi ka 31 tarik lber 2024.
Kine ki khynnah ialehkai SAMBO ki la mih na jylla Haryana hynnin ka miet bad mynta ki dang don ha lynti ban poi Sha nongbah Shillong.
Kumta naka liang ka Synjuk jong ka Sambo Association of Meghalaya lyngba u Bah Eric Swer u ba dei u General Secretary , u la pynpaw ka jingsngewsarong kaba khraw halor ka jinglah ban lehbha ki khynnah ia lehkai ka jylla hakatei ka lympung kaba heh haka jingialam u Samla Elton swer U badei u Head Coach ha kajuh kapor uba dei ruh President ka Association.
Shuhshuh u la buh ka jing kyntu sha ki khynnah bakin dang trei shitom nangne shakhmat ‘ khnang ba kin shah jied bad ioh mihkhmat sa sha ki kyrdang ki baheh kum ka South Asian game , Asian game bad kaba kham kongsan eh ban ioh shim bynta haka Olympic kaba baroh ngi ia angnud
Lah pyntip ruh ba kine khynnah ia lehkai kin wanpoi sha shillong lashisngi, kata haka 3 tarik mynta u bnai iaiong 2024.
Phi don ban ong eiei?