Mawlyngod:U President ka HSPDP East Khasi Hills u bah Martle N Mukhim uba dei u MDC, ula takraiñ tyngeh ia ka jingiasaid thma jong ki rangbah ban ai jait sha u shynrang.
Haba kren ha ka jingialang elekshon ia u kyrtong MP ka Regional Democratic Alliance (RDA) u bah Robertjune Kharjahrin ha Mawlyngot mynta ka sngi, u bah Martle uba dei ruh u MLA barim, ula ong ba ka jingai jait ka dei ban leit sha ka kmie kumba la saindur u longshwa manshwa.
Haba maham ba ka jingai jait sha u shynrang kan pynkhynra ia ka riti dustur bad kan wanrah ia ka shongsang ha ka longing longsem, u bah Martle ula ong ba kane ka jingai jait sha u shynrang, ka dei kaba shyrkhei haduh katta katta bad kan pynjot ia ka jaitbynriew bad kan wanrah ia ka sang ka ma.
“Ka jait ka kynja kam dei ban leit sha u Martle, sha u Ardent, sha u Reming, hynrei ka dei ban leit sha ka kynthei”, la ong u bah Martle.
U la ong, ba ki don kiba pyrshang ban pynjot ia kane ka riti dustur ban ai jait sha ka kmie ha kaba u President ka seng sain pyrthei ka Voice of the People Party, u la ai jait ia la ki khun sha lade.
Ha kajuh ka por, haba kyntu ia ki paidbah ban jied ia u kyrtong ka RDA ha ka shap ka bom, u bah Martle ula ong ba don kiba batai stad, un leh aiu uta u kyrtong ka seng riewlum marwei, hynrei ki lah klet imat ba u Prof. GG Swells marwei u iasaid ban wanrah ia ka skulbah North Eastern Hills University- NEHU, ka hospital NEIGRIHMS, bad kiwei.
Ula kyntu ia ki paidbah ban khan ban bishar bha, ym ban leh shongshit kulmar.
La ioh ia ka jingkren na u bah Remington Pyngrope u MLA barim, uba la kyntu ia ki paidbah kim dei ban jied ia u MP da kaba shongshit namar ba sngew jingrwai ne ba don kiba pynshit.
Ka jingaijait sha ki kynthei ka pynlong ia kiwei ki shynrang jaitbynriew bym dei ki hynniewtrep ba kin tur ba kin ioh iashongkha bad ki kynthei khasi bad ban ioh klun ia ka spah ki jaka jong ki khasi. Ki ba bun ki jaitbynriew bym dei ki khasi ka jingmut jingpyrkhat jong ki ki long mental