Shillong:Mynta ka sngi, ka 26 tarik lber 2024,ha ka por kumba 9.30 mynstep ka la don ka khubor ia ka jingdon jong ki briew kiba kieng atiar ha kawei ka khlaw ha shnong Ranibari.
Hadien ba la ioh jingtip u incharge jong ka Rani Boder outpost ha ryngkat ki langrut, ki la leit sha katei ka jaka,katba ki dang tur ia ka khlaw ki runar ki la synreit kuli bad ki pulit ki la kiar na ka jing pynphai kuli namar ka jingdon jong ki khynnah bad ki longkmie.
Hadien ka jingkhynra ki pulit ki la ioh ban kem noh ia u Ajit Rabha 18 snem ka karta bad ka Kavita Rabha 18 snem ka ka rta.
Ha ka jingtohkit ki pulit ki la lap ba kine ki briew ki dei kiba donkti ha ki kam runar kum ka kam tuh, ban pom ia ki dieng sal,ki bike bad ki kwai.
U nongialam jong kane ka kynhun u dei u Rudra Rabha u kpanah jong u Ajit Rabha.
Ki pulit ki la ioh kurup ia kawei ka suloi shnahi SBMl ha ryngkat ki bakhor,na ïingsah jong u Ajit Rabha.
Ki pulit jong ka Ribhoi ki dang pynlong ia ka jingthwet ha kine ki bynta ban kem noh sa ia kiwei- pat ki runar.
La register case ha khanapara police station katkum ki kyndon aiñ haba iadei bad kane ka jingjia.
Phi don ban ong eiei?