Shillong: Ha ki khyndiat sngi ba ladep, U Conrad Sangma, President ba heh duh jong ka seng National Peoples Party (NPP), ula bthah ia ki nongkyrshan jong ka seng NPP, ha Arunachal Pradesh, ba kin kyrshan noh ia ki kyrtong jong ka kynhun synrop NDA bad mynta ka sngi pat, U Conrad Sangma, ula leit iakynduh ia U Neiphiu Rio, myntri rangbah ka Nagaland, ha ryngkat ki nongialam bad ki MLA jong ka seng NPP, kiba na Nagaland, ha kaba ki la rai, ba kin kyrshan ia u kyrtong jong ka seng Nationalist Democratic Progressive Party (NDPP), ha kane ka elekshon Lok Sabha 2024, na katei ka jylla.
Ka National People’s Party, ka pynbna, ba kan kyrshan ia U Dr Chuben Murry, uba dei u kyrtong, ba la pynialeh da ka seng NDPP, ba un iakhun ia ka elekshon sha Lok Sabha.
Ha kawei pat ka khubor, U Conrad Sangma, ula thoh ha ka twitter jongu, ba ula iakynduh ruh ia U President ka Naga People’s Front (NPF), Manipur Unit, u Awangbow Newmai, mynta ka sngi ha Dimapur bad ha katei ka jingiakynduh, ka National People’s Party, ka la rai ban kyrshan ia u kyrtong ka NPF, U Kachui Timothy Zimik, u ban iakhun na ka Outer Manipur, ha kane ka elekshon Lok Sabha.
Para ba ia shah tim ha u paidbah..ha naga ba shong Kurim ka khun ki tim ki paidbah. hangne ruh shah tim ha man ki constituency khasi.
jop tang 3 naka 29 ha khasi ka NPP
jop 4 naka 7 ka NPP