Shah ther kylla ka VPP ha ka NPP, ba kynnoh team C ka BJP

Shillong:Ka National People’s Party (NPP) ha ka sn gi Balang, kala ther kylla ïa ka liang Pyrshah Voice of the People Party (VPP) namar ka jingkyn noh ba ka party (NPP) ka dei ka team C jong ka BJP.
Ha ka kyrwoh, u nongaiktien ka NPP Bah Himalaya Shangpliang ula ong ba kine ki jingkynnoh ïadei bad ka BJP ka dei tang ka jingïamutdur suda ba khlem ki jingshisha.

Ula ong ba ka NPP ka la jop ïa ka ilekshon MLA 2023 namar ka jingkyrshan kaba radbah jong ki paidbah ka Jylla, kiba pynshong nongrim na ki kam pynroi kiba ka party kala leh ha kine ki san snem bala leit noh kata naduh u 2018-2023.
“Mynta, ka NPP ka la phuh da ka jingkyrshan jong ki paidbah namar ka nud ban leh eiei halor ki ishu ba sahteng jong ka Jylla, kiba la shu ieh baroh shikatta ym ban shu heh tang ka tyngam,” ong u Bah Shangpliang.

“Ka NPP ka la trei shitom ban ïoh ïa ka jingjop kaba hun ha baroh artylli ki Parliamentary seat ha ka ilekshon Lok Sabha bad ka phakhmat ban pynbteng ha ka ban wanrah ïa ki kam pynroi na ka bynta ki paidbah bad ban pynkylla dur ïa ka Jylla,” ula bynrap.