Babu Kular Khongjirem
Hadien ba la mih ki khubor ia ka jingud bad jingbynniaw ki khynnah kiba ialeh ia ka Exam SSLC 2024 khamtam ia ka subject Social Sciences kaba dei ha ka sngi ba la kut artad ka Exam(15-03-2034), ngi iohi ha ki lad pathai khubor mynnin ka sngi ba ki bor pyniaid jong ka MBOSE lyngba u Controller of Examination u la pynshai bad iathuh ba ka daw jong ka jingshem jingeh jong ki khynnah kiba ialeh ia ka SSLC Exam 2024 ha ka social Sciences ka dei namar ba don katto katne ki skul kim bym shym la pynthymmai ia ki kot pule thymmai jongki..Kata,ki don ki skul kiba dang hikai da ki kot kiba rim.Kum kane ka jingpynshai na ki bor pyniaid ka MBOSE kadei ka bym lah satia ban pdiang bad ka la nang paw pen ryngkew shuh shuh ban ialam bakla ia ki paidbah bym tip ei ei.Ka paw pynban ki kam torti jong kane ka bor pyniaid Exam ba pawnam tam ha Meghalaya.
Ka Exam SSLC 2024 kadei ka samoi pule (session) jong ki khynnah class-X jong u snem 2023 tangba ka Exam jong ki pat,ka MBOSE ka pynialeh ia ki ha u snem 2024.Ka jingpynkylla kot thymmai ha ki skul,ka MBOSE ka la pynmih kyrkieh dang ha ki bnai January-February 2024 shi taiew ne ar taiew ei ei shwa ban plie skul jong u snem 2024.Ki class X kiba pule ha u snem 2024 ki dang pule da ki kot pule kiba rim.Kumno kin pule ia ki kot thymmai ha u snem 2023 haba ki kot thymmai ki sdang pynthymmai ha u snem 2024? Ki khynnah skul,ki kmie ki kpa,ki paidbah ki tip bha ba mynta u snem 2024, wat hadien shi taiew ar taiew ba la sdang ban long skul ruh,bun ki khynnah skul kim pat ioh kot pule satia ban thied na iew namar ba pynkylla thymmai ka MBOSE ia ki kot thymmai.Don ruh katto katne ki kmie ki kpa kiba iathuh ba wat haduh mynta ruh,dang don sa iwei ar ki kot pule kiba kim pat ioh satia ban thied namar kim don ha dukan kot. Ban ong ba dei ba don ki skul kiba khlem pynthymmai ia ki kot pule ha u snem 2023, shi snem shwa ban pynmih kot thymmai kalong kaba sngew sam mut palat.Wat ki khynnah bad ki kmie ki kpa jong ki khynnah ruh kim lah pdiang satia ia kum kine ki jingpynshai.
Hato,ki kmie ki kpa bad ki paidbah ki sngew ishap ia kata? Wat kiba kham duna ka jingtip ia nga- iaphi ruh, kim lah ngeit satia ia kum kata ka jingpynshai. Ha ka jingshisha,ka MBOSE ka dei ban jubab hok ba lada don shisha ki jingbakla hangne hangtai,ka dei ban pyrkhat ban iarap da kino kino ki lad(ways and means) katba ka sngew dei ban leh, ym dei pat ban shu da rap jot ba paw pew ryngkew pynpan ki kam torti jongka bad kam dei ban ialehkai ia ka lawei bad ka iap ka im jongnki khynnah pule.Ban tap eit miaw ia la ka iwtung,kam dei satia ia ki bor pyniaid Exam ba donburom kum ka MBOSE.
Kumno ki kmie ki kpa,ki seng bhalang bapher bapher ki sngew halor kane ka kam kaba ktah shisha ia ka lawei ka jingpule ki khynnah bapli?Hoto,sngew dei hi ban shu phah ne ai ka jingkitbok jingrwiang(wishes them) shwa ban long Exam katba ynda ia kynduh jingeh pat ki khynnah ngin shubia khaprip ngain ngain?Lada ki khun jongphi ki phiel(failed) ei shi snem, khlem pyrkhat lem katno ka jingduh jongki? Yn nai ia kren ia ka bai skul,bai kot,bai kali,etc etc ba phi la pynlut ha ka shisnem.Hynrei kaba kham shyrkhei eh dei ka jinghiar jongki ia ka jingioh mark ha ka social Sciences mynta u snem.Ha ka jaka ba kin ioh First Division,ki khun jongphi kin poi noh tang ha ka mark jong ka kyrdan 2nd ne 3rd Division.Don pat kiban pass tang san(5) subjects.Dei hangne ba ka ktah ia ka lawei jongki khamtam kiba kwah pule shabar ne ha ki skul ne college ba kham paw.
Mano ba leh typing bad editing I ma bha bad lehrain ban leh kumne… Hire ia nga ngan solve ki teachnical issue jong phi hynrei te ka business jong phi kan sa ngam jyllop mo. To pule bha Kane ka article Don tang spelling error suda.
bah Lambok Marbngar ,President KSU, sngewbha pynshai paidbah lem naka bynta iangi ki paidbah, shaphang Kane ka jingeh,khnang ba ngin sngewthuh paidbah, lada fi sngewsynei iaki rit ki ria