Shillong:Ka Shillong Premier League 2023 kaba la sdang mynnin ka sngi ha SSA Stadium Polo da ka jingiakhun hap deng ka Rangdajied United FC pyrshah ia ka kynhun kaba thymmai kaba la rung ha kane ka lympung ka Nongthym mai SC, la iohi ba ka Rangdajied United FC ka la pynliem ia ka Nongthymmai SC da 1-0.
Na ka daw ka jingbuh thymmai ia ki phlang plastic ha ka SSA Stadium, ka SPL mynta ka samoi la hap ban kham pynslem da katto katne bnai bad da ka jingshim rai noh hapdeng ka Shillong Sports Association bad phra tylli ki club, la pynduna noh ia ka tournament jong ka 2023 sha ka single leg format da ka jingbuh beit ia ka semi final bud sa ka final.
Ka Nongthym mai ka la ioh ban kiew kyrdan sha ka SPL hadien ba ka la ioh ban ieng ha ka kyrdan kaba ar jong ka First Division ha u snem 2022. Ka long ka jingioh rung madan kaba nyngkong jong kane ka kynhun ha kane ka lympung bad ka la ialehkai bha ha ka sien kaba nyng kong hynrei watla katta kam shym la lah ban pynphai ia ka kynhun kaba hakhmat ka Rang dajied FC hadien ba u Ksankupar Khong ma lai u la ioh ban thep ia ka kol ha ka minit kaba 61.
U Ksankupar u la ioh ban thep ia ka kol da kaba u la rah ia ka bol na ka phang ka diang bad kynjat ia ka bol na khap ka lain bad ka la her shajrong sha pyrshah ka jar jong ka Nongthymmai ia kaba la ap da u Senapati Mandal.
Nalor ka Nongthymmai kaba la rung ha ka SPL, kawei pat ka kynhun kaba la ioh ban iashim bynta ha kane ka lympung ka dei ka Sawmer SC kaba la ioh ruh ban ialehkai shuwa ha kane ka tournament. Ka jingialeh ka ba ar jong ka SPL 2023 mynta ka sngi kan long hapdeng ka Sawmer SC pyrshah ia ka Nang kiew Irat SC ka ban sd ang naduh ka por 3 baje janmiet.
Phi don ban ong eiei?