Buh thong ka HSPDP ban ioh synshar ia ka jylla ha u 2018

Shillong, 30risaw:
U bah Ardent M Basaiawmoit u President Rangbah jong ka seng HSPDP haba kren ha ka jingialang paidbah ha Nongpendeng , Nongstoiñ ha shuwa ba ka seng HSPDP kan jied ia u kyrtong jong ka na Nongstoiñ u la ong ba ka thong ka HSPDP mynta ka dei ban ioh synshar ia ka jylla ha u 2018. Utei u nongialam ka HSPDP u la ong ruh ba ka bun ki paidbah mynta ki phai khmat sha katei ka seng kaba don shisha ia ka nongrim ban shakri bad ba ia khun na ka bynta ka jaitbynriew bad ym don kiwei pat ki seng kiba don ia ka nongrim kum ka HSPDP.
U la ong ba mynta ki sngi ki; la don bun ki riew shemphang na ka skulbah NEHU ruh kiba dang ia syllok na ka por sha ka por bad ki nongialam katei ka seng kumno ban thaw pyrthei ban ioh ia ka bor synshar ha ka jylla ha u snem 2018 bad da kino ki lad ki lynti ki thaw ban ioh ia ka bor jong u paidbah ban synshar ia ka jylla bad ban kyntiew ia ka seng HSPDP.U bah Ardent u la ong ruh ba mynt aka seng ka seng HSPDP ka don ia ka thong kaba khlai n bha bad kata ka long ban pynjop lut ha baroh ki elekshon MDC shiteng samoi ha KHADC, “Ngi don ia ka thong ban pynjop lut ha baroh 6 tylli ki Konstitwensi ha ka elekshon shiteng samoi ha KHADC” ong u bah Ardent.Haba kren sha ka 2018 u bah Ardent u la pynthikna ba ka seng HSPDP kan ym ia treilang dalei lei ruh bad ka sorkar MUA mynta, “Kumno ngin ia treilang bad ka sorkar kaba khan glut ia ka jingtih dewiong,ka jingtoh khyndew shyiap, kaba pynlynga ia u paidbah haduh kane” u la ong.Utei u nongialam ka HSPDP u la ong ruh ba kumba ka la mih ka jingiaknieh tiket hapoh katei ka seng na Nongstoiñ, ka pyni shai ba u paidbah u phai khmat sha ka seng HSPDP ha kaba u la iathuh ruh ba tang ha Sohra Konstitwensi ki la don mynta haduh 5 ngut ki kyrtong kiba la pan tiket na katei ka seng. Kitei ki kyrtong kiba la wna pan tiket ki la ong ia nga ba ki la shang kylleng ka konstitwensi hynrei haba ki la twad jingmut na ki paidbah ki la ong ba kan eh ia ki ban jop elekshon lada kin ym dei ba ki ia khun na ka seng HSPDP, ong u bah Ardent.Haba kren pat sha ka elekshon shiteng samoi u bah Ardent u la ong ba la iohi ba ha ka por ba ka UDP ka don ha ka bor synshar uwei na ki MLA jong ka u bah E.K Mawlong u la khlad noh hynrei ha ka elekshon shiteng samoi katei ka seng kam shym la lah ban khie khlieh hynrei la jop pynban da ka seng Congress hynrei mynta ka kynti u la kob ba ha Nongstoiñ yn ym don da kiwei pat ki seng ki ban mih bujli ha ka jaka u Maieid Hoping hynrei yn dei beit tang ka seng HSPDP.