Ka krem kaba long ban shong jingialang, kumba 50ngut ha Kyndiar

Nongthymmai:Ka Krem Pohlew Sharait ha Nongthymmai Kyndiar ka dei kaba ki briew kim pat tip bha.
Kane ka krem kaba jrong kumba 100 metre eiei, ka don kamra kum ka ing kiba heh shapoh kaba ngiam ban shong jing ialang kumba 40-50 ngut eiei.

Ha ka jingiakren bad u Rangbah shnong u bah Run Khonglanoh, ula iathuh ba ia kane ka krem la lap ki nongleit wad lymbit mynshwa. Jaka rung ka long kaba kham khim hynrei ynda la rung shapoh, ka heh bad ka don ki pung ruh ba kot sha khohsiew ka jingjylliew shwa ban poi sha ka kamra kaba heh.
Hapoh jongka, ka um ka khuid bha bad ki sher, ki shymprong, ki doh thlie, ki ia jngi ki mastieh. Ha ka por lyiur, ym lah ban rung ha kane ka krem namar ba ka heh ka um.

Ka shim por kumba 20 minit eiei ban iaid na surok ban poi sha katei ka jaka.
Katkum ka jingiathuh u bah Run, la don ruh ki briew kiba ju wan rung ha katei ka krem lyngba ka jingialam ki para shnong.

U rangbah shnong ula ong ba ka shnong kan pyrshang kumno ban pyllong ia ka kum ka jaka jngohkai khnang ban ai jingmyntoi ia ki nongshong shnong khamtam ba ka surok kala bha dang ha une u snem hi.
“Ngi la iohi ba ka kam jngohkai ka dei kawek ka lad ban kyntiew ia ki nongshong shnong hynrei kane ka shnon ka dang shu poi surok shen. Ngin pyrkhat janai ban pyllong lem ia kane ka shnong jong ngi, kumba long lem kiwei kiba la iaid shakhmat ha ka kam jngohkai kum ka shnong Mawlynnong kaba don hajuh ka thain”, la ong bah Run.