Mynta yn shlei ka Shillong, ba iaid paidbah ki nongsynshar shnong

Shillong, 29 Risaw:
Ka sor Shillong la mut dur ba lashai ka sngi kan sa shlei smam da ki nongiaid paidbah ban wan na kylleng ki jaka ban iashim bynta ha ka jingiaid paidbah ba la khot da ka Synjuk Ki Nong synshar Shnong Ka Bri u Hynniewtrep.
Kumba ka paw, ki nongiashim bynta ha kane ka jingiaid paidbah kim ym duna ia ka lak ngut namar ba ki bor shnong ki la pynkhreh bha shaid shaid ba kane kan long kaba jop.
Ki la buh ia ka jingiakynduh lang ha Lachumiere bad nangne kin sa iaid paidbah sha Secretariat. Ka jingiaid paidbah kan sdang naduh ka por 11 baje mynstep haduh ka por 1 baje nohphai sngi. Ha kawei ka liang, ki pulit ki la pynlong ia ka jingpahara na ka bynta kane ka jingiaid paidbah ban pynthikna ba kan long kaba iaid
beit. Na ka liang ka synjuk ruh ka la ong ba ka jingiaid paidbah kaba heh tam ha kane ka jylla kan long kaba jai jai bad kaba don akor don burom.