Bam shngiam ka ding, ia ka iing 7 mala, iap 44ngut ha Dhaka

Dhaka: 44ngut ki briew, ki la shu iap ei, ha ka jingkem ding kaba jur, ha ka iing hynriew mala ha Dhaka, hynnin ka miet. Nangta ki don sa bun phew ngut kiba la mynsaw, na ka jing ingding bad nangta sa shibun ki bym lah shuh ban ring bad pynhiar mynsiem thikna, ong U Dr Samanta Lal Sen, myntri ka koit ka khiah ka sorkar Bangladesh.

Ka jingpluh ding, ka jia, ha ka por 9.50 baje hynnin ka miet, ha kawei ka restaurant, kaba don ha ka mala kaba nyngkong bad hadien kata, ka sa pur shajrong sha ki kamra kiba kham shajrong bad kynthup ia shibun ki dukan die jain. Ki pulit pynlip ding, ki la ioh ban pyllait im ia 75ngut ki briew, ha kaba 42ngut, ki don ha ka jingiapler, namar ka jingklang kaba jubor jong ka ding, na katei ka iing kaba hynniew mala.

“Ki don 30ngut kiba iap ha ka ka Dhaka Medical College Hospital (DMCH) bad 10ngut ha ka Sheikh Hasina National Institute of Burn and Plastic Surgery,” ong U Sen. Sa 22ngut kiba dang shah sumar, na ka jinging ding bad ki don na kitei kiba mynsaw jur.