Bret ki Commando ka Manipur, ia la ki suloi

Imphal:Ka kynhun jong ki Pulit Commando jong ka jylla Manipur, ki la pyn long ia ka jingiakhih da kaba bret noh ia la ki jong ki suloi ha ka sngi Balang ha nongbah Im phal jong ka jylla Manipur.

Kat kum ki thym mei khubor, kine ki pulit Commando, ki la shim ia kane ka sienjam namar ka jingbitar ia ki heh Pulit kiba bthah ia ki, ba kim dei ban leh eiei hadien ka jing shah ther kuli hapoh ka Ïingsah jong u wei u heh pulit.
Ki dkhot jong ki kynhun kiengatiar ba 200 ngut eiei ki la hiar thma ia ka Ïingsah jong u Addl SP Moirangthem Amit Singh ha ka miet sngi Ba-ar, ha kaba ki la rahbor ia une u heh pulit lem bad ki nongpahara jong u.

Kane ka jing shah rahbor jong u ne u heh pulit ka la jia ha ka jaka ba la tip kum ka Wangkhei Tokpam Leikai, kaba hap hapoh ka Porompat Police Station,ha Imphal East District.