Hiar thma ki riew ehrang, ia ka iing u heh pulit, julor saw tylli ki kali

Imphal: Ki riew ehrang, ki la hiar thma, ia ka iing jong u heh pulit ha Imphal, hynnin ka janmiet bad ki don saw tylli ki kali, kiba pynieng ha ka phyllaw jong utei u heh pulit, kiba la julor la jhor. La iathuh ba katei ka jingjia, ka dei ha ka por 6.20 hynnin ka janmiet, ha kaba ki riew kieng atiar, ki la ther kuli, sha ka iing sah jong U Amit Mayengbam, Additional Superintendent of Police, Imphal West. Ki pulit, kiba don ha katei ka jaka, ki la pynphai kuli sha kitei kiba siat sha ka iing sah jong U SP, hynrei, la iathuh ba kitei ki nongsiat, ki la phet rieh noh ialade, ong ka khubor.

Katei ka jaka, ka don ha ka jingshongsyier kaba jur, hynnin baroh shimiet, ong ka khubor.

Ka Manipur, ka iai bteng, ha ka jingiakynad, kaba la jia naduh U Jymmang 2023, hadien ba ka kashari jong ka Manipur, ka mynjur ban ai jing ithuh ia ki Meitei, kum ki Scheduled Tribe jong katei ka jylla bad ba ki la don kumba 200ngut kiba iap, ha ki jingjia ba har rukom.