Ingkhong ka Shillong Bar, na ka jingpluh ding kaba shyrkhei

Shillong: Ka Shillong Bar Association, ka la ingkhong khait, ha ka jingpluh ding, kaba jur bha, hynnin ka miet, kaba la jia ha ka por 10.15 baje mynmiet.

Ki kali pynlip ding, kiba la don da ki phew tylli, ki la leit sha katei ka jaka, ban pynlip ia ka ding, ha kaba ki la lah ban pynlip, ia ka ding, ha ka por 12.30 shiteng synnia.

U Conrad K Sangma, myntri rangbah ka jylla, ha ryngkat bad U Ma Sniawbhalang Dhar, symbud myntri rangbah, ki la leit ban peit hi dalade, halor katei ka jingjulor jong katei ka jaka treikam ki riewsaid kaba don hadien ka ophis jong U Deputy Commissioner, East Khasi hills, Shillong.