Ka Assam, ka la iaid sha ka UCC, ka pynduh noh ia ka ain iapoikha ki Muslim

Guwahati: Ka Assam, ka la iaid shakhmat, na ka bynta ban pyntreikam ia ka Uniform Civil Code bad hynnin ka sngi, ka kynhun myntri, ka la pynduh noh ia ka Assam Muslim Marriage and Divorce Registration Act, 1935, kaba mut ba ia ki jingiapoikha jong ki Muslim, yn pynngat noh mynta, ha ka Special Marriages Act.

U myntri jong ka sorkar Assam, u Jayanta Mallabarua, u shim, ba katei ka dei ka rai, na ka bynta ban pyniaid noh shakhmat ia ka UCC. La iathuh ba mynta ia baroh ki jing iapoikha ne ki kam ia shongkha shongman jong ki Muslim, yn hap hapoh ka jingpeit jong ki District Commissioner bad ki District Registrar. La iathuh ruh ba ki 94ngut ki registrar, kiba peit ia ka jingiapoikha bad ia phet tnga jong ki Muslim, yn pynduh noh bad yn siew ia ki shisien, da ka bainong kaba T.2lak, kum ka jingpynkut noh ia ki kam jongki.