Ka eh ban kot 10 billion dollar, haba ka jylla rynjain da ka ram, ong u Saleng

Shillong:U MLA ka Congress na Gambegre u Saleng A Sangma, ula pynpaw ba kan long kaba eh bah ia ka jylla ban kot sha ka ioh ka kot kaba 10 billion US dollar kumba la buh thong u Conrad K Sangma namar ba kumba ka paw, ka sorkar, ka dap da ka ram rynjain.

Haba kren mynta ka sngi, u Saleng u la ong ba kane ka sorkar MDA ka la dap hynriew snem bad ka dang pyrkhat ban pynroi ia ka jylla hynrei ki paidbah kin bishar ia kaei ba ka sorkar ka leh. U la ong ba lada ka sorkar ka shim ram palat, kan pynduk tasam ia ka jylla bad u la ai nuksa ha ka tnad bording, baroh ki thliew iing ki la hap siew da ka dor bad kumjuh ki paidbah ki thied ia ki marbam mardih ha ka jingdonkam man ka sngi.

Lada ka jylla ka bun ram kan long ka jingpynkit ram ia ki paidbah kiba hap ban siew ia ka ram kaba shim ka sorkar bad kan kiew kador ka mut ia ki marbam ruh.
“Lada ngi shim ram palat, ngin sa dap ram rynjain bad ki paidbah kin shah pynkit ram ban siew ia kaba la shim ka sorkar”, la ong u Saleng.