Dawa ka MSCW ban pynshitom ïa kiba pyndik ïa ka sister ha Assam

Shillong:Ka Meghalaya State Commission for Women (MSCW) ha ka sngi Thohdieng ka la pynrem jur ïa ka jingshah thombor jong kawei ka Sister ka Ri-lum Garo hapoh ka bos ha Assam.

“Kum kine ki jingjia ki lah ban ktah bha ïa ka lanot la ka long kum ka Kynthei ne kum ka riew niam. Namar kata, ka Committee ka kyntu ïa ka Sorkar Meghalaya bad Sorkar Assam ba kin ïatreilang bad pynthikna ha kaban lap ïa ki briew ba donkti bad ban ai ka jingbishar kaba hok,” ong ka kyrwoh ba la phah da ka MSCW.

Ka Commission ka la ong ba ka Meghalaya ka dei ka Jylla kaba kdup ïa baroh ki briew kiba dei na baroh ki jingngeit niam bad “Ngi bat ïa ki kyndon riti synshar paidbah jong ka Riti Synshar ka Ri”.