“Mang ka sorkar T. 338 klur ban pyntreikam ïa ka Tura Smart Town”

Shillong:Ka Sorkar Jylla ka la mang pisa haduh T. 338 klur ban pyntrei ïa ka Tura Smart Town bad ka la mang ruh ïa ka pisa ba T. 79 klur na ka bynta ka sor Jowai.

Haba jubab ïa ka jingkylli jong u MLA ka Nongstoiñ u Bah Gabriel Wahlang, u Myntri Rangbah Conrad K Sangma ula ong ba ki artylli ki Smart Town ka Jylla ki dei ka Tura bad ka Jowai.
U Myntri Rangbah ula pyntip ba ka pisa baroh ba la mang ïa ka sor Tura ka long T. 338 klur, katba ïa ka Jowai la mang T. 79.8 klur.

Haba wanrah ïa ka jingkylli bynrap, U Bah Gabriel ula kyntu ïa u Myntri Rangbah ban kynthup lang ïa ka Nongstoiñ hapoh ka Smart Town Project.
U Conrad ula pyntip ba ka Sorkar ka angnud ban kynthup ïa baroh ki District Head Quarter hapoh ka Smart Town Project bad ïa kane yn sa leh da ki pali pali watla kam pat don satia ka plan ïa kane.