Shillong:Ha ka jingiakhun final jong ka lympung Ranji Trophy Plate Group ba la ialeh ha Rajiv Gandhi International Cricket Stadium, Hyderabad, ka Hydera bad ka la khur ia ka nam jop da kaba pynliem noh ia ka Meghalaya da san wicket.Da kaba bteng ia ka jinglehkai hynnin ka step na ka 71/1 ban nang donkam sa 127 run ban poi sha ka thong, ka Hyderabad hynnin ka sngi ka la duh sa saw ngut ki wicket.
Ki nongkawang bol ka Meghalaya ki la ia bol katba lah ban iada ia ka la ka jingbuh thong hynrei da ka jingtied bha jong u Tilak Varma 64 run na ki 50 bol, ka Hydrabad ka la ioh ka jingkyrshan bad ioh mynsiem ban poi beit sha ka jingjop. Utei u nongtied u la hap noh ha ka bol jong u Raj Biswa da 1/49. U Cheng kam Sangma pat u dei uba la ioh bun poin da 3/47, katba u Aryan Borah u ioh 1/13.
Ha ka jingpynhap pyrda ia kane ka lympung, u Secretary jong ka MCA u Gideon Kharkongor, u la pynpaw ba ka Me ghalaya ha kane ka samoi ka la ialehkai bha haba ianujor bad baroh ki samoi kiba ka la iashim bynta kata na duh u snem 2018. Da kaba poi sha ka jingiakhun final, ka Hyderabad bad ka Meghalaya ki la shah jied lypa na ka bynta ka samoi ialeh ka ban wan hapoh ka thup jong ka Elite Group jong ka Ranji Trophy.
Napdeng ki nong ialehkai shimet, u Ki shan Lyngdoh u dei uba la wan hakhmat da kaba ioh ban kamai 695 run ha ki hynniew tylli ki jinglehkai da kaba ioh ruh ar tylli ki century ha ka first class-cricket. Haba phai ha ka ri hi baroh kawei u la long uba hynniew haba khein ia ka jingkamai run jong u. Kham hapoh jong u, wan sa u Raj Biswa uba la ioh kamai 441 run bad thlieh ar tylli ki century. Hadien jong u pat, wan sa u Jaskirat Singh Sachdeva uba la ioh 422 run bad lai tylli ki half century.
Napdeng ki nong kawang bol, u Aksah Kumar Chou dhury uba la ioh 34 wicket na ki san tylli ki jinglehkai u la poi ha ka kyrdan kaba 10 ha ka ri baroh kawei, hynrei haba phai na ka thup jong ka Top 10 u Akash u la dei u snar kawang bol uba ar haba khein na ka average jong u da 13.76 bad ha ka strike rate da 28.58. U Aryan Borah u dei uwei pat u nong kawang bol ba tbit jong ka Meghalaya, wa tla ha kane ka jingialeh u la ioh ban weng tang uwei u nong tied ka Hyderabad hynrei ha ki ar tylli ki jinglehkai kiba la dep u la ioh ban pynkhyllem 23 ngut ki nongtied. Nangta u Dippu Sang ma u dei sa uwei uba la ioh 17 ngut ki wicket ha baroh ki jinglehkai jong kane ka lympung.
Phi don ban ong eiei?