T. 6.16 klur ka bai helicopter, ban siew sha ka AAP limited

Shillong:Kumba ka la paw na ka jingdon kam pisa shuh na ka tnat ka kit ka bah jong ka jylla ïa kaba la wanrah da u Myntri ba dei peit ïa ka kam ka kit kam bah u Bah Sniawbhalang Dhar la kdew shai ba ka sorkar jylla ka la mang pisa phra klur ha kane ka snem mang tyngka 2023-2024 ban siew bai Helikopter kaba dei ka bhah jong ka jylla.

Kane ka bai Helikopter ka long ba hap ban siew sha ka M/s Aryan Aviation Private Limited kaba la kot sha ka T.6.16 klur, kata ka jingpynlait pisa ka long tang T.2.13 klur, hynrei katba dang ap ïa ka pisa ban ïoh la dang siew noh T.29.47 lak ha kane ka snem mang tyngka 2023-2024.

Ïa kane ka Helikopter la pyndon kam da ka sorkar Meghalaya na ka bynta ka leit ka wan jong u Myntri Rangbah ka jylla bad na ka bynta ki Myntri sorkar haba ki donkam na ka bynta ki kam kiba ki hap ban pyndep katkum ka kam kaba ki bat ha ki Tnat bapher bapher.