Lamkhmat ka Hyderabad ia ka Meghalaya ha ka sngi ba-ar, tied biang ka Meghalaya mynta ka sngi

Shillong:Ha ka jingiakhhun final jong ka lympung Ranji Trophy ba la bteng sha ka sngi ba-ar hynnin ka sngi, la iohi ba ka Hyd erabad ka la ioh ban lamkhmat ia ka Megha laya da tang khyndiat ha ka inning kaba nyngkong jong ka, ba la ialeh ha Hyderabad.

Ha ka sngi ba nyngkong ba la sdang ia kane ka jingiakhun, ka Hyderabad ka la ioh ban kamai shuwa 25/2 ha shuwa ban pynkut ia ka jinglehkai myn ha ka sngi saitjain, da kaba buddien ia ka Megha laya da 279 run hadien ba ka kynhun ka jylla ka la ioh ban kamai 304/10 run ha ka inning kaba nyngkong.

Hynnin ka sngi, ki nongkawang bol ka Meghalaya ki la pyn kulmar jingmut shikatdei ia ki nongtied jong ka Hyderabad, hynrei da ka jingioh kamai century ki arngut ki nongtied katei ka kynhun kata u K Nitesh Reddy (122 run) bad u Pragnay Reddy (102 dang iaineh), ka la pynlah ia ka Hyderabad ban kot sha ka jing kamai kaba 350 run. Haba ka Meghalaya ka la tied bol biang ka la duh noh ia u Ram Gurung u bym shym kamai ei ei bad pynkut ia ka jinglehkai hynnin ka sngi da 0/1.
Ha ka jingtied bol ka inning ba nyngkong jong ka Hyderabad, baroh khyndai ngut ki nongtied ki la hap ha ki nongkawang fast bol jong ka Meghalaya, lait noh uwei uba la kyllon da ka run-out.
U Chengkam Sangma uba la shim arngut ki wicket ha ka sngi ba nyngkong, hynnin ka sngi u la ioh ban weng sa ia uwei u nongtied bad ioh ia ka poin da 3/54 ha ki 14 over. U Akash Kumar Choudhury uba la tied half century ha ka sngi ba nyngkong, hynnin ka sngi u la ioh ban pynkhyllem lai ngut ki nongtied da 59 run ha ki 21 over. U Dippu Sangma haduh hynnin ka sngi u la ioh 3/68 ha ki 16.5 over.

Ha shuwa ka jing ioh mih madan ki arngut ki nongtied ba snar ka Hyderabad, kane ka kynhun ka dang don ha ka jingkamai kaba tang 165/6, hadien ba kane ka kynhun kan ioh ban lam khmat noh ia ka Meghalaya da 46 run ha kaba kut jong ka inning kaba nyngkong. Kumta mynta ka sngi ki nongtied ka Meghalaya ki donkam ban leh tyngeh ha ka jingkamai jong ka khnang ba kan ioh biang ban lamkhmat ia ka liang pyrshah ha kane ka jingiakhun.