Shillong: Ka Shillong Lajong FC kaba la iakhun ia ka Neroca FC ha ka lympung jong ka I-League ka la ioh ia ka jingjop pyrshah ia katei ka kynhun da 2-0 ba la ialeh hynnin ka sngi ha SSA Stadium, Shillong.
Tang mar ia sdang ka jinglehkai, ka Shillong Lajong ka la iakhun tyngeh, hynrei kam shym la ioh ka lad ban lamkhmat ia ka jinglehkai haduh kaba kut ka kylla step.
Dei tad ba la jingsdang ka kylla miet, ka Lajong ka la wan phai biang sha madan lehkai da ka bor baroh bad kam shym la pyllait ei shuh ia ka lad bad ioh ban lamkhmat noh ia ka liang pyrshah ha ka minit kaba 52 lyngba ka kol jong u Kynsaibor Lhuid uba la ioh ruh ia ka kol kaba nyngkong jong u ha kane ka lym pung. Kam shym kut tang kumne, une u rang ialeh u la ioh ruh ia ka kol kaba ar jong u sa ha ka minit kaba 61 ha kaba ka bol ka la rung itynnad bha hadien ba u la kynjat ia ka bol nabar ka bok da kaba pynkhun ban rung sha poh ka jar.
Haba la kut ka por ialeh, ka Lajong ka la ioh ban khur baroh 3 tylli ki poin bad ioh ban kiew sha ka kyrdan kaba 5 ha ka miej ia kh ein poin da kaba ioh 22 poin na ki 14 tylli ki jingjingiakhun.
Hadien kane, ka Lajong ka dei ban ia khun sa bad ka TRAU FC ban ialeh shabar na la iing la ha kane ka sngi u blei ban wan, kata ka 25 tarik naduh ka por 7 baje janmiet ha Kalyani Stadium, Kolkata.
Phi don ban ong eiei?