Shah ujor sha kashari, ba set lang ia u Akbar bad ka Sita, ha kajuh ka sem

Kolkata: Wat ki mrad ruh ha kine ki sngi, la pyniapher da ka jingsngewniam ha ki bad katei ka dei halor ka jingmudui jong ka Vishwa Hindu Parishad (VHP) ha Calcutta High Court, ha kaba ka la pyrshah jur ia ka jingset lang ha kajuh ka sem, ia ar tylli ki sing bad kitei ki dei ia u Akbar bad ia ka Sita.

Ka VHP, ka la ujor pyrshah ia ka tnat khlaw jong ka West Bengal, namar ba ki set lang ia kitei ki ar tylli ki seng, ha ka jaka ri mrad ha Siliguri Safari Park bad kumta ka VHP, ka la ujor ha Calcutta High Court circuit bench, ha Jalpaiguri, ha ka 16tarik Rymphang 2024 bad katei ka jingbishar, kan long ha ka 20tarik Rymphang 2024.

Ka tnat khlaw jong ka sorkar West Bengal, ka iathuh ba kitei ki sing, ki dei kiba dang shu wan rah shen na Sepahijala Zoological Park ha Tripura bad ka sorkar West Bengal, kam pat shym la kylla kyrteng satia ia ki. Hynrei ka VHP, ka sngew bitar, namar ba U Akbar, u dei u patsha jong ki Mughal, katba ka Sita, ka dei ka blei hindi, katba kum ka Ramayan bad kumta, la shim, ba katei ka jingset lang ha kajuh ka sem, ka dei ka jingpynjah burom ia ka niam Hindu bad la dawa namarkata, ba dei ban pynkylla kyrteng noh, ia katei ka sing kynthei.