Rai ki nongkyrshan Congress ban pynrem, lada ioh tiket u bah Gabriel

Shillong, 28 Risaw:
Ki nongkyrshan ka Congress na Nongstoin ki la pynpaw ba kin pynrem ia u kyrtong ka party lada ioh u MDC shu sieh u Bah Gabriel Wahlang ha kane ka elekshon shiteng samoi na Nongstoin.
Kane ka jingpyr shah jong ki nongkyrshan ka long hadien ba la don ka jingthmu da ki nong ialam ba halor ka party kynthup u Myntri Rang bah ka jylla ban ai tiket  ia u Bah Gabriel Wahlang.
U Bah K.L Lyng doh bad u bah KS Tym puiñ ki la ong, “Long kumba iuh tdong bseiñ ban ioh jingtip ba ka la don ka jingleh donbor jong ki nongialam jong ka seng ban phah ia ka kyrteng jong u Bah Gabriel sha ka AICC kum u kyrtong ha ka ilekshon shiteng samoi ka Nong stoiñ konstitwensi”.Ki la ong ba ka jingialang jong ka  MPCC hynnin ka miet ha iingsah u  Bah DD Lapang u president ka MPCC, ka la rai ban ai tiket beit ia u Bah Gabriel Wahlang namar ba u dei u briew ba ki kham iajan bha.”Ngi kum ki nongkyrshan bad ki dkhot ka Block Congress Committee (BCC) bad  ki President jong ki Primary Unit na baroh laiphew khyndai tylli ki primary unit kiba la kyrshan ïa ka kyrteng jong
U Dr. A. Pariong, ngi dap da ka jingkyndit kaba khraw bad pynrem la ka don ka jingleh donbor,” la ong kine ki rangbah.Ki la ong lada ka MPCC kam burom ia ki paidbah kin ialeh pyrshah beit ia ka hukum ka party.Ki la ong ba u Bah Gabriel Wahlang um shym la ioh ia ka jingithuh na mano mano ha Nongstoiñ, bad lada u ioh tiket kan dei beit kum ka jingthombor bad ka jingniew beiñ jong ki nongialam ia ka sur u paidbah, la ong u bah Lyngdoh bad u bah Tympuiñ.