Shillong:Ka Khasi Hills Autonomous District Council (KHADC), sa shisien kala pynmih ïa ka rai ban pynkynriah biang ïa ka Monolith Festival sha u bnai Lber 2024.
Kane ka rai ka dei kaba la shim da ka Coordination Committee Monolith Festival 2024, kaba shong jingïalang kyrkieh myn ha ka sngi nyngkong ha KHADC ha ka jingïadonlang ki EM, ki MDC, ki Nongmihkhmat na ka Hima Mawphlang, ka Event Management Team bad kiwei kiwei.
Lah ban ong bad ïathuh hangne, ka KHADC ka la buh nyngkong eh ban pynlong ïa ka Monolith Festival ha ka 1 tarik Rymphang haduh ka 3 tarik Rymphang. Hynrei hadien, ka la pynkynriah ban pynlong noh sha ka 22, 23 bad 24 tarik Rymphang.
Hynrei mynta pat, la ong ba na ki daw ki bym lah kiar, la pynkynriah noh ïa kane ka tamasa sha ka 7, 8 bad 9 tark u Lber 2024.
Phi don ban ong eiei?