Maham ki pulit ban buh tiar shna iing bad set kali pathar harud surok

Shillong:Ka ophis treikam jong u Superintendent of Police jong ka East Khasi Hills District ka la pynbna paidbah ia ka hukum jong ka ïingbishar jong ka Meghalaya High Court ka la pynmih ia ka jing bthah vide PIL No14 of 2023 Dt 07 02 2024 ban pyrkhing ia ka jing bret pathar ia ki tiar tei jingtei, kiba lah ban buh jingma ia ka jingiaid jong ki kali bad ki nong iaid nong ïeng bad ka jingbuh kali jong ki trai ki bym don ia ka jaka set kali ha ki ïing ki sem jong ki, ha ka jaka ba khlem don ka jingmana.

Kumta ka Shilllong Traffic Police ka la buh jingkyrpad sha ki paidbah ba kin bud ryntih ia ka jingkdew haneng na bynta ka jingshngaiñ jong ki nong iaid ha ki surok.

Ka jing iatreilang jong bad lada don kiba pynkheiñ ia ka jingmana kin sa ngat ha ki kyndon aiñ ne sha dain kuna.