Naduh mynta ka sngi, maramot ia ka surok Jowai-Shillong

Jowai, 28 Risaw:
Ka tnad PWD kan maramot noh ia u surok bah National Highway NH-44 naduh Mukhla-shaduh Puriang kaba jrong haduh 22 km naduh mynta ka sngi Palei.
Ka jingsniew jong katei ka surok ka la wanrah jingeh kaba khraw ia ki paidbah kiba iaid ba ieng lyngba utei u surok bah.
Na ka liang u Depu ty Commissioner ka West Jaintia Hills District, u Arun Kumar Kembhavi mynta ka sngi u la iathuh ba ka Central Division ka tnad PWD kan sdang noh ban maramot ia katei ka surok naduh mynta ka sngi Palei. Halor kane, na ka liang u DC u la iathuh ruh ba ka bor District ka la dep ban pynkreh ia ki jingdonkam baroh ban peit ba katei ka jingmaramot ia utei u surok kan nym wanrah satia ia ka jingthut ha ka iaid ka ieng ki kali bad ki paidbah.Na ka liang u DC u la kyntu ruh ia baroh ki nongiahkali ba kin long kiba kohnguh ia ka rukom pyniaid kali jong ki pulit traffic kiba don ha kitei ki jaka bad ruh ba ki nongniah kali kin nym iaknieh khnang ba kan nym wanrah ia ka jingdheng kali. Na ka liang u DC u la ong ba ka jingmaramot ia utei u surok kan shimpor shibnai ban pyndep.