3441 hectare ka jaka ka Assam, ka don shapoh Meghalaya, ong u myntri

Guwahati:Kumba 83,000 hektar ka jaka jong ka jylla Assam ka la shah klun ei ha ki saw tylli ki jylla ba marjan jong ka thaiñ shatei lammihngi, la ïathuh u myntri ba dei peit ia ka tnad border protection Development u Atul Bora ha ka jubab ba da ka jingthoh ia ka jingkylli jong u MLA ka BJP u Bidya Singh Engleng.

U Myntri jong ka sorkar Assam u la iathuh ba haduh 82,751.86 hektar ka jaka kaba dei jong ka jylla Assam ha ki 16 tylli ki district ka la hap noh ha ka jingpyniaid jong ki saw tylli ki jylla ba marjan.
Kine ki jaka jong ka jylla la klun ei da ki jylla jong ka Arunachal Pradesh,Nagaland, Meghalaya bad Mizoram.
Na ka 82,751.86 hektar ka jaka, kumba 59,490.21 hektar ka hap ha ka jing peit jong ka jylla Nagaland.
Ka jylla Meghalaya ka ioh ban kumba 3441.86 hektar ka jaka jong ka jylla Assam ka long kaba heh na kine ki saw tylli ki jylla.

Ka jylla Arunachal Pradesh bad Mizoram ka la ioh ban klun kumba 16,144.01 hektar bad 3675.78 hektar.
Ki 17 tylli ki districts jong ka jylla Assam kiba ki jaka ki la shah klun ki kynthup Sonitpur, Biswanath, Lakhimpur, Dhemaji, Tinsukia, Dibrugarh, Charaideo, Jorhat, Sivasagar, Golaghat, Goalpara, Cachar, Kamrup, South Salmara-Mankachar, West Karbi Anglong, Hailakandi bad ka Karimganj.