Saw sngi hapoh u niut, ing ka met u Bah Marshall, sdang kylla um ka met

Shillong: Hadien khyndiat kynta ba lap ksai ïa ar tylli ki khoh kiba khlem la pynshisha la ki dei ne em jong U Bah Marshall Marweiñ uba ju tam tiar jot man ka sngi.

Hynrei ka jingiai buddien na ka jinglap ïa ki khoh la lap noh ïa ka met jong u Bah Marshall, mynta hi ka sngi ka 6 tarik kumba ha ka por 4 shiteng eiei.

Kumban pynpaw hangtei ka met jong u Bah Marshall, ka la la ing bad sdang kylla um bad ka met ruh ka la khohphler. Shuh shuh kat kum ka jingjia, ka met ruh ka la ïasyriem bad ki ñiut, mamar ka met u Bah Marshall Marweiñ ka la sah hapoh ka jingtwa ki ñiut naduh ka Sngi Saitjait bad dei mynta ka Sngi ba ar kumba 4 Sngi la lap noh, da ka jingtrei shitom ki Pulit SDRF ka tnad Municipal ryngkat ki para nongtam tiar jot kiba la ithuh da ka Municipal.

Kum ban pynkynmaw, hangne u Bah Marshall, ula khlad noh na kane ka sla pyrthei uba dang ha ka karta kaba 30 snem uba la ieh ïa ka kurim ryngkat ar ngut ki khun kiba dang rit.