Kyndit ki nong Guwahati, ba kiewdor u rynsun sha ka T.400 shi kilo

Guwahati:U rynsun u la kiew dor kynsan ha nongbah Guwahati ha kine ki khyndiat sngi ha kaba ka dor ka la poi haduh 400 tyngka shi kilo,u ba ki juh die ha ka dor 35-40 tyngka shi kilo.
Ki dor jong ki jhur ki la kiew da ki spah tyng ka, ka long kaba eh haduh katta katta ia ki paidbah jong ka Guwahati ban thied.

Wat la ka la don ka jingjynjar na ka jingkiew dor jong ki jhur, hynrei ka jingkiew dor biang ka dei u rynsun u ba la poi haduh 400 tyngka shi kilo.
Ki nong shong shnong jong ka sor kim sngew tynnad satia ia ka jingkiew dor jong u ryn sun.
“Ngi lah hap ban sahngeh shwa ban bam rynsun, mynta ngi la hap ban pyndonkam da kiwei pat ki musli musla ha ki jingbam jong ngi” la iathuh ka Jyotika Devi.

U Abdul Rahman, uwei na ki nongdie jhur ha ïew Beltola, u la ong “Ngi hap ban die ha ka dor ba ngin ioh nong”, hynrei u la kyntait pat ban iathuh ba ka la don ka jinglehtuh ka dei ka daw ba la wanrah ia ka jing kiewdor kynsan jong u rynsun.
Kiba bun na ki jingbam kiba pyndonkam da kaba khleh lang bad u rynsun ki la hap ban sahngeh noh ban pyndonkam.

U Rajesh lahon, uba don ia kawei ka jaka bam ha Bamuni maidan jong ka nongbah, u la ong “Ngim lah ban sahngeh ban pyndonkam rynsun namar ka dei kawei na ka jingmlien jong ki Assamese, hynrei namar ka jingkiew dor ngim lah ban pyndonkam”.