Ba suki ka jingtrei, artatien U MLA, ia ka surok Lad Mawreng Weiloi

Shillong:U MLA ka UDP na Mawphlang u bah Mathew Beyond Kurbah ula sngew dukha mynsiem ban iohi ia ka jingsuki ka jingpynheh ia ka surok na Lad Mawreng sha Weiloi.

Kane ka surok ka don kumba 29 km eiei bad la buh por ban pyndep ha u snem 2025, kata lashem snem, hynrei kumba ka paw ki dak ki shin, ka i shem jynjar ban lah ban pyndep kumba la buh thong.
Haba kren mynta ka sngi, u bah Beyond ula ong ba ka la don ka jingpyntrei ia ka surok bad ka la iaid sted bha na Lad Mawreng tang haduh sharum Mawphlang, hynrei mynta kala suki bha.
“Ka jingpyntrei kala sted bha ha ka por ba wan jngoh ka President sha Mawphlang. Mynta ka sngi nga la iaid lynti, nga iohi ba ka jingpyntrei kala suki khlem don briew”, la ong u bah Beyond.

Ula ong ba lehse, ki kontraktor ki suki ban pyntrei namar ba, ioh ba ka sorkar kam shym la pyllait pisa thikna, kaba pynjynjar pat ia u paidbha.
“Ka jingpyntrei ka surokbha, Ngan buddien na ka sorkar khamtam na ka PWD ba kan pynsted ia kane ka surok, kaba ai jingshakri ia ki paidbah ka East Khasi Hills bad ka South West Khasi Hills”, la ong u bah Beyond.

Ula kyntu ia ki paidbah ban iai shah namar ba kum u MLA un ym shong kli kti ban buddien ia kane ka surok kaba donkam palat.