Shillong:Ka kyrtong MP ka NPP ka kong Ampareen Lyngdoh na Shillong Parliamentary Constituency ka la ther ia ka jingrwai elekshon ka Voice of the People Party (VPP), da kaba ong ba, ka la pynjah burom ia ka jinglong ka jaitbynriew Khasi-Jaintia.
Haba kren ha ka jingialang iasyllok ia ki nongialam ka NPP Umsning Block ha Lad Sharai, mynhynnin ka sngi, ka kong Ampareen ka la ong ba kam long kaba bha ban pynlehrain ia ka jaitynriew da kaba kren ia u Panah Meinah namar ba kane ka long ka jingthad ia ka jaitbynriew bad ka ktah ia ki longkmie.
Ka la ong ba ai ba u Bahdeng Bahnah, Kong deng Kongnah kin jied ia ka, hynrei u Panah wat jied ia ka. Ka la ther ruh ba ki don kiba sngew sarong ba shad ki shipai shata sha Himachal Pradesh ia ka jingrwai u Prah ka VPP hynrei kim tip ka mut aiu ka kyntien step-mother, step-father bad ka la buh jingkylli hato ka jaitynriew Khasi-Jaintia ka im kumta. Ka la ong ba ki longshwa manshwa ki hikai ba ka longing kaba skhem ka dei ha kaba u kpa ka kurim bad ki khun iashong lang bad kum ka MP kan hikai ia kata.
“Wat pynlehrain ia ka jaitbynriew da kaba kren ia I panah meinah, ki longkmie ki ktah bha, kaei kata meinah panah, ngi thad ia ka jaitbynriew da kaba pyni ia ki jingduna ka longing longsem kum ka jatbynriew”, ka la ong ka kong Ampareen.
Ka la bynrap, “Ai ba u bahdeng bah heh un vote (jied) ia nga, ai ba ka kongdeng kongnah kan vote ia nga, hynrei u panah wat ju vote ia nga”.
Ka la ong ba kam long ban thad ia ka jaitbynriew ban pyntad dor ialade. Ka la ong ba don kiba sngew sarong ba kita ki shipai ki iashad shata sha Himachal Pradesh ia ka jingrwai Prah hynrei kim tip ba ka dei ka kyntien kaba ktah bha ia ka jaitbynriew. “Nga lehrain, ka mut aiu ka kyntien step-mother, step-father, hato ka jaitbynriew jong ngi kaba im kumta, wat pynlehrain, to ia ri ia ka burom akor. Ki longshwa manshwa jong ngi ki ong, ka longing kaba skhem ka dei ha kaba u kpa ka kmie ki khun ki shong lang, bad nga kum ka MP ngan hikai ia kata”, ka la ong.
Da long sa kumno2 ruh por ilekshon te hap sei bt la ka nia khnang ban im ja
tangba ynda lh don ha shuki khihwin ma ngi ki biej bapli
Da phi la sngew tieng kynran dien noh kein, jing rwai prah phi ong ka pynjah burom, ka jing leh phi pat ka pyn leh aiu iaka jait bynriew.
Lh lap ka tieng ia u prah lah ma bha ba kynran dien noh nai ia aireng shuh re
Ki Meinah bad Panah ki long ka jingkyrkhu ia ki khun bad ka iing ka sem Khasi, lada ngi la leh kiar ia ki dkhot ba kordor jong ka iing ka sem kum ia ki meinah bad panah, kynmaw ka jingbabe ka la ap ha jingkhang.