Iakhih ki samla pule bym dei NET

Shillong, 27 Risaw:
Ki samla pule ka NEHU, ki la pyrshah ia ka rai ban pynduh noh ia kito ki samla pule bym pyndep ia ka NET bad ki la dawa na ka Human Resource Department  ba dei ban bteng ban ailad beit ia ki.
Ha ka dorkhas ba la aiti, ka la ong ba ka dei ban ailad beit ia kito ki bym pyndep ia ka NET (fellowship) bad ban pynheh ia ka jingsiew ia kiba leh ia ka fellowship.
Ka rai jong ka University Grants Commission (UGC) ban pynduh noh ban nym ailad ia kito ki bym pyndep ia ka NET (National Eligibility Test) fellowship kiba pule ia ka MPhil bad PhD  ka la pynlong ia ki samla pule ban iakhih ha ophis ka ITO.  Ka la rai ban ban pynduh noh ia ka  fellowship ha ka  7 tarik Risaw halor ka nongrim ba ka skhim kam don ka jingtreikam kaba shai bad kaba biang.Ka dorkhas jong kine ki samla pule ka la ong ba lada ki jingdawa kim urlong hapoh ka 28 tarik Risaw, 2015, kin sa khang tala ia ki ophis kiba don ka jingiadei kam bad ka UGC.Namar kane ka jingpyrshah ki samla, ka HRD ka la phah bishar biang ia kane ka kam sha ka expert committee ha kane ka sngi Thohdieng ba la dep.Ha kane ka sngi u Blei, ka myntri ka HRD ka Smriti Irani ka la ong ba ka tnad kam shym la don jingkwah ban bteng ia kane ka skhim hynrei ka kwah ban pynhap ia ka hapoh ka Direct Benefit Transfer scheme.